ပန်းသီးပင်ကြီး

ဟိုးလွန်ခဲ့တဲ့ကာလတစ်ခုကပေါ့ .......
ကြီးမားတဲ့ ပန်းသီးပင်ကြီးတစ်ပင်ရှိခဲ့တယ် ....
ကောင်ကလေးတစ်ယောက်ဟာ .... အဲ့ဒီပန်းသီးပင်ကြီးနား ပျော်ရွှင်စွာ ကစားခဲ့တယ်။ သူဟာ ပန်းသီးပင်ကြီးပေါ်ကို တက်ရတာနှစ်သက်သလို ပန်းသီးတွေကိုလည်း အရမ်းကြိုက်တယ်။ ပန်းသီးပင်ကြီးရဲ့ အရိပ်အောက်မှာ နားနေအပန်းဖြေတာကိုလည်း သဘောကျတယ်လေ ....... ပန်းသီးပင်ကြီးကလည်း ကောင်ကလေးကို ချစ်ခင်တယ် ....
ဒီလိုနဲ့အချိန်တွေ တဖြည်းဖြည်းကုန်လွန်သွားလေရဲ့ ...

ကောင်လေးကလည်း အရွယ်ရောက် ကြီးပြင်းလာတာပေါ့ .... ဒါပေမယ့် ဒီအချိန်ကျတော့ ကောင်လေးဟာ သစ်ပင်နားမှာ ဆော့ကစားခြင်း မပြုတော့ပါဘူး။ တစ်နေ့ကျတော့ ကောင်လေးက ပန်းသီးပင်ကြီးနား ရောက်လာပြန်ရော .... အဲ့ဒီအခါ ... ပန်းသီးပင်ကြီးက ...

“လူလေး ... မင်္ဂလာပါ .... ကျွန်ုပ်နားလာကစားပါဦး ...”
ဒီတော့ ကောင်လေးက ပြန်ပြောတယ် ...
“ကျွန်တော်အခု ကလေးငယ်လေးမဟုတ်တော့ပါဘူး .... ကျွန်တော် သစ်ပင်နားမှာ မကစားတော့ပါဘူး ..” တဲ့
ပြီးတော့ ... “ကျွန်တော်က အရုပ်တွေနဲ့ကစားချင်တယ် .... အရုပ်တွေဝယ်ဖို့ ပိုက်ဆံလိုအပ်နေပါတယ်”

လို့လည်း ပြောတယ်။ အဲ့ဒီတော့ ... ပန်းသီးပင်ကြီးက ..

“ကျွန်ုပ်မှာ ပိုက်ဆံတော့မရှိပါ ..... ဒါပေမယ် .... ကျွန်ုပ်ရဲ့အသီးတွေကို ခူးဆွတ်ပြီး လူလေးသွားရောင်းနိုင်ပါတယ်။ ဒါဆိုရင် လူလေးလိုအပ်နေတဲ့ ပိုက်ဆံတွေ ရလိမ့်မယ်”

လို့ ပြန်ပြောပါတယ်။
ဒီတော့ ကောင်းကလေးဟာ .... ပန်းသီးပင်ကြီးမှာ ရှိတဲ့အသီးတွေအားလုံးကို ခူးဆွတ်ရောင်းချပြီး ... သူကစားဖို့ အရုပ်တွေ အများကြီးဝယ်လိုက်တယ် .... ပန်းသီးပင်ကြီးဆီကိုတော့ သူပြန်မသွားတော့ပါဘူး။ သူ့အရုပ်တွေနဲ့ ပျော်မွေ့နေပါတော့တယ်။ ပန်းသီးပင်ကြီးက ကောင်ကလေးသူ့ဆီမလာတော့ ၀မ်းနည်းရပြန်ပြီပေါ့ . . . .
တစ်ရက်ကျတော့ လူတစ်ယောက်ဟာ ညိုးငယ်စွာနဲ့ ... ပန်းသီးပင်ကြီးဆီကို ရောက်လာပြန်ရော.... တစ်ခြားလူမဟုတ်ပါဘူး .... ဟိုငယ်ငယ်တုန်းက ပန်းသီးပင်ကြီးနား ပျော်ရွှင်စွာ ဆော့ကစားခဲ့တဲ့ ကောင်ကလေးပါပဲ ... အခုဆို အရွယ်ရောက်နေပါပြီ ........ ပန်းသီးပင်ကြီးက သူ့ကိုမြင်တော့ ၀မ်းသာအားရနဲ့ ....

“လူလေး ... ဘာတွေဖြစ်လို့ မျက်နှာမကောင်းပဲ ညှိုးငယ်နေရတာလဲ .... ကျွန်ုပ်ရဲ့အရိပ်မှာ လာပြီးအနားယူ အပန်းဖြေပါဦး ... လူလေးမရှိရင် ကျွန်ုပ်ပျင်းလွန်းလို့ပါ”လို့

့ ... ခရီးဦးကြို နှုတ်ခွန်းဆက်တယ် ... ဒီတော့ အဲ့ဒီလူက ..

“ကျွန်တော့်မှာ ဆော့ကစားဖို့အချိန်မရှိပါဘူးခင်ဗျား ..... ကျွန်တော့်မိသားစုအတွက် အလုပ်လုပ်နေပါတယ် ... ကျွန်တော့်မိသားစုအတွက် အိမ်တစ်လုံးဆောက်ပေးချင်ပါတယ် ... အဲ့ဒီအတွက်ငွေလိုအပ်တယ် ... ဒါကြောင့်အလုပ်လုပ်နေရပါတယ်”လို့

ပြန်ပြောတယ် ... ဒီစကားကြားတော့ ပန်းသီးပင်ကြီးက ...

“ကျွန်ုပ်မှာ ငွေတော့မရှိဘူး ... လူလေး . . . ဒါပေမယ့် ... ကျွန်ုပ်ရဲ့သစ်ကိုင်း၊ သစ်ခက်၊ ပင်စည်တွေကို လူလေး မိသားစုအတွက် အိမ်ဆောက်ဖို့ ယူသွားနိုင်ပါတယ်” လို့ပြန်ပြောလေတယ်။

ဒီစကားကြားတော့ ကောင်လေးက ပျော်သွားတာပေါ့ ... ချက်ချင်းဆိုသလိုပဲ ... ပန်းသီးပင်ကြီးရဲ့ ပင်စည်၊ သစ်ကိုင်း၊ သစ်ခက်တွေကို ခုတ်ယူပြီး သူ့မိသားစုအတွက် အိမ်ဆောက်ပေးလိုက်ပါရော...
ဒီလိုနဲ့ ပန်းသီးပင်ကြီးဟာ ... သစ်ငုတ်တိုအဖြစ်နဲ့ အထီးကျန်နေပြန်ရော ... ကောင်းလေးကတော့ ပြန်ပေါ်မလာတော့ဘူး ... ဒီလိုနဲ့အချိန်ကာလတွေ ကုန်လွန်ပြီးတော့တစ်နေ့ အဘိုးအိုတစ်ယောက်ဟာ ပန်းသီးပင်ကြီးဆီကို ရောက်လာပြန်တယ် .... တစ်ခြားမဟုတ်ပါဘူး ... ကောင်းလေးပါပဲ .. အခုဆိုရင်သူဟာ အသက်ကြီးပြီး အိုးမင်းသွားပါပြီ .... သူ့ကိုကြည့်ရတာ ပင်ပန်းပြီ ... အထီးကျန်နေသလိုပါပဲ .... မျက်နှာပေါ်မှာ ၀မ်းနည်းတဲ့အရိပ်အကဲတွေအပြည့်နဲ့ပေါ့ ... ပန်းသီးပင်ကြီးက သူ့ကိုတွေ့တော့ မေးပြန်တယ် ...“လူလေး .... ဘာဖြစ်လို့ဝမ်းနည်းနေတာလဲ ... ကျွန်ုပ်ကူညီပေးရမလား .... ဒါပေမယ့် ... ကျွန်ုမှာ အသီးလည်းမရှိ၊ အကိုင်း၊ အခက်၊ ပင်စည်တွေလည်းမရှိတော့လို့ လူလေးကို ကူညီနိုင်ဖို့ မတတ်နိုင်တော့ဘူးထင်တယ်”လို့ ပြောလိုက်တယ်။ ဒီတော့ အဘိုးအိုက ...

“ကျွန်တော်အခု အလွန်ပဲ ပင်ပန်းနေပါပြီ။ ပြီးတော့ အထီးကျန်နေပါတယ်”လို့ ပြန်ပြောတယ်။ “ကျွန်တော် တစ်ခြားဘာမှ မလိုအပ်တော့ပါဘူး ... ကျွန်တော်လိုအပ်တာ ပန်းသီးပင်ကြီးကိုပါ ... ကျွန်တော် ပန်းသီးပင်ကြီးရဲ့ အမြစ်ငုတ်တိုမှာ ထိုင်လို့ရမလားခင်ဗျား ...”လို့မေးလိုက်တယ်။ သစ်ပင်ကြီးက ..“သိပ်ရတာပေါ့ကွာ ... မင်းကိုအမြဲတမ်းကြိုဆိုနေတယ်”လို့ပြန်ဖြေလိုက်တယ်။

ကောင်လေး(အဘိုးအို)ဟာ ပန်းသီးပင်ကြီးရဲ့ သစ်မြစ်မှာ ထိုင်ပြီး အနားယူလိုက်တယ်။ သူတို့နှစ်ဦးလုံးဟာ ပျော်ရွှင်လို့ပေါ့ ....

ကောင်းကလေးဟာ .... ရက်စက်ပြီး ... တစ်ကိုယ်ကောင်းဆန်ပါသလား ... ???????

ဟုတ်တယ်လို့ယူဆလိုက်ရင် .... ကျွန်တော်တို့အားလုံးဟာ သူနဲ့အတူတူပါပဲ ...... ကျွန်တော်တို့မိဘတွေကို ပန်းသီးပင်ကြီးလို ဆက်ဆံနေကြပါတယ် ..... ပန်းသီးပင်ကြီးဟာ ကျွန်တော်တို့မိဘနဲ့တူပါတယ် ... ကျွန်တော်တို့တတွေဟာ ... ကောင်ကလေးအသွင်နဲ့ပေါ့ ...
ကျွန်တော်တို့ငယ်စဉ်ခါမှာ သူတို့နားမှာ သူတို့နဲ့ဆော့ကစားပါတယ် . . .
ကျွန်တော်တို့တတွေဟာ ... အရွယ်ရောက်လာတော့ သူတို့တွေကို ထားခဲ့ပြီး အခက်အခဲ၊ ပြသာနာဖြစ်တဲ့အချိန် ဒါမှမဟုတ် ... အကူအညီလိုတဲ့အချိန်ကျမှ ပြန်လာတတ်ကြတယ် .... ကျွန်တော်တို့တွေဟာ ... မိဘတွေကို အချိန်မပေးခဲ့ဘူး ... အချိန်မပေးနိုင်ခဲ့ဘူး .... ဘာပဲဖြစ်ဖြစ် မိဘကတော့ ..... ကျွန်တော်တို့တွေအတွက် ပေးဆပ်ဖို့အဆင်သင့်ပါပဲ ...ကျွန်တော်တို့ပျော်ရွှင်ဖို့၊ စိတ်ချမ်းသာနိုင်ဖို့အတွက် ... လိုအပ်တဲ့အချိန်မှာ အရာရာတိုင်းကို အကူအညီပေးဖို့အတွက် အဆင်သင့်ပါပဲ .... ပြီးတော့ သူတို့ဘာတွေ လိုအပ်သလဲလို့ ကြည့်လိုက်ရင် သားသမီးတွေနဲ့ ပျော်ရွှင်စွာ အတူတကွနေထိုင်ချင်တယ်ဆိုတဲ့ ဆန္ဒလေးပါပဲ ...

ကျေးဇူပြုပြီး သင့်မိဘကို ချစ်ပါ .... ဂရုစိုက်ပါ ..
သူတို့ကို အချိန်ပေးပါ ...
သူတို့ကို မမေ့ပါနဲ့ ...
ဖြစ်နိုင်ရင် သူတို့နဲ့အတူတကွ နွေးထွေးစွာနေထိုင်ပါ ...
သူတို့ဟာ သင်ပျော်ရွှင်၊ စိတ်ချမ်းသာနေတာကိုမြင်ရရင် ပျော်ရွှင်နေပါ့မယ် ...

သူတို့ကို အထီးကျန်နေအောင် .. မထားခဲ့ပါနဲ့
သူတို့ကိုလေးစားပါ ..... ချစ်ခင်ပါ ...... ရိုသေပါ ...
လူတစ်ယောက်ဟာ ကလေးကို ကိုယ်လိုချင်သလောက် ရနိုင်ပေမယ့် ..... မိဘကို တစ်ကြိမ်တစ်ခါပဲ ရနိုင်ပါတယ် .. ဒါကြောင့် ... သင့်မိဘကို ဂရုစိုက်ပါ ...
စာဖတ်သူအပေါင်းကို ကျေးဇူးတင်ပါတယ် ........

ကမ္ဘာပေါ်ရှိသော မိဘအားလုံးသို့ ရည်စူး၍ ......
ကျွန်တော့်ရဲ့မိဘနှစ်ပါးကို ဤပိုစ့်ဖြင့် လှမ်းကန်တော့လိုက်ပါတယ် ......
အခြေအနေအရ .... မိဘနဲ့ခွဲခွာနေရပေမယ့် ... ရင်ထဲမှာတော့အမြဲ ရိုသေလေးစားနေပါတယ် ..... အမေနဲ့အဖေ .......

(ဘယ်သူရေးထားမှန်းမသိဘူး ... ကျွန်တော်ဆီ သူငယ်ချင်းတစ်ယောက်မေးလ်ပို့လိုက်တာ .... အဲဒါကို အရမ်းကြိုက်လို့ ဘာသာပြန်ပြီး တင်လိုက်တာပါ ..... )