ဝယ်သတိ၊ စားသတိ

ကုန်ဈေးနှုန်းတွေ အရမ်းမြင့်မားနေတဲ့ လက်ရှိအခြေအနေမျိုးမှာ ပစ္စည်းတစ်မျိုးမျိုးကို ဈေးပေါးပေါးနဲ့ ရတယ်ဆိုပြီး မ၀ယ်မိစေနဲ့။ သေသေချာချာ စုံစမ်း စစ်ဆေးပြီးမှ ၀ယ်သင့်တယ်။ တစ်ချို့အရာတွေဟာ လူတွေရဲ့ ပိုက်ဆံကိုပဲ ညှာယူပေမယ့် တစ်ချို့အရာတွေဟာ လူတွေရဲ့ ကျန်းမာရေးကိုပါ ထိခိုက်စေနိုင်ပါတယ်။ အထူးသဖြင့် စားသောက်ကုန် တွေမှာတွေ့မြင်နေရပါတယ်။ အခုဆိုးရွားနေတာကတော့ Expire ဖြစ်သွားတဲ့ ဆေးဝါးနဲ့စားသုံးကုန် ပစ္စည်းတွေကို တစ်ဖက်လှည့်နဲ့ စားသုံးသူပြည်သူတွေဆီ ရောက်အောင် ပြုလုပ်နေကြတာပါပဲ။ လုံးဝမဖြစ်သင့်တဲ့ ကိစ္စမျိုးတွေပါ။ ကိုယ့်ရဲ့ကိုယ်ကျိုးစီပွားကိုသာကြည့်ပြီး လူတွေ ဒုက္ခရောက်အောင် ပြုလုပ်နေကြတာပဲ။ ဒီကိစ္စဟာ လူသားအားလုံးနဲ့ သက်ဆိုင်ပါတယ်။ ကုမရတဲ့ရောဂါမျိုးကို လည်းဖြစ်ပွားသွားစေနိုင်ပါတယ်။ ကျွန်တော်တို့တတွေ သတိပြုဆင်ခြင်သင့်တယ်။ သက်ဆိုင်ရာ ကနေပြီးတော့လည်း ပြင်းထန်စွာစစ်ဆေး တားမြစ်ဖို့လိုအပ်တယ်။ အဲ့ဒီ စားသုံးကုန်ပစ္စည်းတွေကြောင့် လူတွေဟာ အဆိပ်သင့်ရပါတယ်၊ ၀မ်းရောဂါတွေဖြစ်ပေါ်စေပါတယ်၊ နောက်ဆုံး အဆိုးဝါးဆုံးရောဂါ ကင်ဆာတွေဖြစ်ပေါ်စေနိုင်ပါတယ်။ တစ်ချို့ တစ်ချို့သော Supermarket တွေမှာ Expire ဖြစ်နေတဲ့ စားသုံးကုန် ပစ္စည်းတွေကို ပြန်လည်ပြီး တံဆိပ်ရိုက်ရောင်းချနေတယ်လို့လည်း ဟိုတလောက သတင်းတစ်ခုမှာ ဖတ်လိုက်ရပါတယ်။ ကျွန်တော့်ကိုယ်တွေ့ကတော့ဒီလိုပါ .. ကျွန်တော်ရဲ့ ၈နှစ်အရွယ် တူလေးတစ်ယောက်ဟာ ကျောင်းကနေအပြန် အပြင်မုန့်ဆိုင်တွေက ဈေးပေါတဲ့ လမုန်တွေကို ၀ယ်လာတာပါပဲ။ အိမ်ပြန်ရောက်တော့ ကျွန်တော့်ကိုလာပြီးကျွေးတယ် .. ကျွန်တော်က “မင်းဘယ်က ပိုက်ဆံတွေ အများကြီးရလို့ ၀ယ်လာတာလဲ”လို့မေးတော့ “ကျောင်းမှာရောင်းတာလေ ဦးရဲ့ တစ်ခုကို ၅၀ တဲ့ ၁၀၀ ဖိုးကို ၃ ခုပေးတယ် ...” ၏သား အိမ်မှာစားမလို့ ၀ယ်လာတာ”တဲ့ ... လမုန့်တစ်ခုဟာ အပြင်မှာ ၂၀၀ လောက်ပေးဝယ်ရပါတယ်။ ကျွန်တော်က ဟုတ်လှချည်လားဆိုပြီးတော့ သူ့ဆီက တစ်ခုယူတယ်။ မုန့်က သေသေချာချာကို ဆီစိမ်စက္ကူနဲ့ ထုတ်ထားတာ။ ကျွန်တော်စက္ကူတွေကို ဖယ်လိုက်တော့လည်း မုန့်က အကောင်းကြီးလိုပဲ .. ဒါပေမယ့် ဘယ်လိုလုပ်ပြီး ဒီလောက်ဈေးပေါပေါနဲ့ ရောင်းပေးနိုင်ပါလိမ့်လို့လည်း တွေးမိတယ်။ မုန့်ကိုနှစ်ပိုင်းချိုးပြီး အတွင်းကို ကြည့်လိုက်တော့မှ .. အားလားလား .. မှိုတွေ တစ်ပြင်လုံးကို မှိုတွေတက်နေတာ။ ချက်ခြင်းပဲ ကျွန်တော့်တူလေးကို ကျောင်းမှာစားမိသေးလားလို့မေးတော့ ကျောင်းမှာလည်း တစ်ခုမှမစားမိသေးဘူးလို့ပြော တာပဲ ..... သေတော့မသေချာဘူး ...။ နောက်တစ်ခုက တစ်နေ့ကတင် ကျွန်တော်ခေါင်းကိုက်လို့ paracetamol တစ်ကဒ်သွားဝယ်လိုက်တာ ... သောက်ခါနီးမှ သတိရလို့ကြည့်လိုက်တာ Expire ဖြစ်နေပါတယ်။ အဲ့ဒါပါပဲ ..... Expire ဖြစ်တဲ့ ပစ္စည်းတွေကို တဖက်လှည့်နဲ့ မသိနားမလည်တဲ့ သူတွေလက်ထဲရောက်အောင်လုပ်တာ။ ဒါဟာ လုပ်ငန်းရှင်ရဲ့အပြစ်လည်း မကင်းဘူးလေ။ သူတို့က အဲ့ဒီပစ္စည်းတွေကို ဖျက်ဆီးပစ်ရမှာ။ တစ်ချို့ စားသောက်ကုန်ပစ္စည်းတွေဆိုရင် .. Expire လွန်ရင် ပြန်လဲပေးတာမျိုးတွေရှိတယ်။ ကျွန်တော် စဉ်းစားလို့မရတာက .. တစ်လ တစ်လ များပြားလှတဲ့ အဲ့ဒီ Expire ဖြစ်သွားတဲ့ စားသုံးကုန်တွေကို ဘာလုပ်ပစ်လိုက်သလဲ ... ဘယ်တွေရောက်ကုန်သလဲ .... ဒါဟာ တွေးစရာပါပဲ။ တစ်ချို့ပေါင်မုန့်ရုံတွေဆိုရင် မှိုတက်နေတဲ့ .. Expire ဖြစ်သွားတဲ့ မုန့်တွေကို ပြန်လည်မီးကင်အပူပေးပြီးတော့ တစ်မျိုးတစ်မည်အဖြစ် ပြန်လည်ရောင်းချနေကြတယ်။ ဒါကိုမသိတဲ့သူတွေက ဈေးပေါတယ် .. စားကောင်းတယ် ဆိုပြီး ၀ယ်ယူစားသောက်နေကြတာ။ တစ်ချို့ရုံတွေကြတော့လည်း Expire ဖြစ်သွားတဲ့ စားသုံးကုန်တွေကို ၀န်ထမ်းတွေကိုပြန်ဝေငှတယ်။ တစ်ချို့ကြတော့လည်း ၀န်ထမ်းတွေနဲ့ညှိပြီး ဆင်ခြေဖုံးတွေမှာ ဈေးလျော့ ရောင်းခိုင်းတယ်။ ဒါတွေဟာ ကျွန်တော်စိတ်ထင်လို့ပြောနေတာမဟုတ်ပါဘူး။ တစ်ကယ်ဖြစ်နေတာပါ။ ဒါကြောင့် ကိုယ့်နဲ့ဆက်နွယ်မှုရှိတဲ့ကလေးတွေ၊ နားမလည်တဲ့သူတွေရှိရင် သေချာရှင်းပြပြီး စားသောက်ကုန်နဲ့ ဆေးဝါးတွေကို ဈေးပေါတိုင်း ၀ယ်မစား/သုံးကြဖို့ အသိပေးကြပါ။ ကိုယ်ကျိုးကိုသာ ကြည့်တဲ့ စီးပွားရေးသမားတွေ ရဲ့သားကောင် မဖြစ်သွားပါစေနဲ့လို့ အားလုံးကို “၀ယ်သတိ၊ စားသတိ”လို့ သတိပေးလိုက်ကြပါဦး ......