Friday, August 10, 2007

ရီစရာအပိုင်အစလေးများ (၂)

ဒီတစ်ခါက လှိုင်းကားပေါ်မှာ ကြုံတွေ့ခဲ့ရတဲ့အဖြစ်အပျက်လေးပါ .... ကာယကံရှင်ကတော့ ဒေါကန်စရာ ဖြစ်နေပေမယ့် ဘေးကကြည့်နေတဲ့ သူတွေအတွက်တော့ ရီးစရာဖြစ်နေလို့ပါ။ ကာယကံရှင်ကို လောင်ချင်တဲ့စိတ်နဲ့ တင်တာမဟုတ်ပါဘူး။ ပတ်ဝန်းကျင်မှာ ကြုံတွေ့ခဲ့ရတဲ့ ရီစရာလေးကို ပြန်ပြောချင်လို့ပါ။
ကျွန်တော်တို့ကတော့ ထုံးစံအတိုင်း ကုမ္ပဏီဝန်ထမ်းဆိုတော့ ကားစီးပြီးသွားလာရတာပေါ့။ လှိုင်းကားပြောတာနော်။ တစ်ရက် ကျွန်တော် မြို့ထဲကို ကွန်ပျူတာပစ္စည်းဝယ်ဖို့အတွက် Bus ကားနဲ့လိုက်သွားတယ်။ ကားက ရုံးတက် ရုံးဆင်းချိန်မဟုတ်တော့ အတော်လေးကိုချောင်နေတယ်။ ဒီလိုနဲ့ ဆင်မလိုက် အဝေးပြေးမှတ်တိုက်ရောက်တော့ ကားကရပ်ပြီး လူခေါ်ပါလေရော .. သိကြတဲ့အတိုင်း ... ကားတွေက ရပ်လိုက်ရင် တော်ရုံနဲ့မထွက်တော့ဘူး။ ကျွန်တော့်ဘေးနာမှာ အန်တီကြီးတစ်ယောက်က ထိုင်ခုံနေရာရလို့ ထိုင်ပြီးလိုက်လာတယ်။ ၀တ်စားထားတာတွေကို ကြည့်ချင်းအားဖြင့် လူဂုဏ်ထန်ထဲက ဆိုတာ သိနိုင်တယ်။ ဒါပေမယ့် တစ်ကယ်ဟုတ်မဟုတ်တော့ သူပဲသိမှာပေါ့။ အဲ့ဒီအချိန်မှာ အောက်နေပြီး ကောင်လေးခပ်ငယ်ငယ်တစ်ယောက်က “သနားကြပါခင်ဗျား .... ကျွန်တော်ထမင်းမစားရသေးလို့ပါ ... ထမင်းဖိုးလေး သနားကြပါ ”ဆိုပြီးတော့ လှမ်းတောင်းတယ် .. ကျွန်တော်လည်း အိတ်ထဲလှမ်းကြည့်လိုက်တော့ ၅၀ကျပ်တန်ရှိတာနဲ့ လှမ်းပေးလိုက်တယ် .. ကျွန်တော့်လိုပဲ အန်တီကြီးကလည်း သူ့အိတ်ထဲကို နှိုက်ပြီးရှာတယ် .. ပြီးတော့ ၅ ကျပ်တန် နှစ်ရွက်ကို ထုတ်ပြီးပေးလိုက်တယ်။ ကောင်လေးက အဲ့ဒီ ၅ ကျပ်တန်နှစ်ရွက်ကို ယူပြီး အန်တီကြီးကိုတစ်လှည့် ပိုက်ဆံကို တစ်လှည့်ကြည့်တယ် .. ပြီးတော့ “ဒီပိုက်လေးနဲ့ ဘယ်လိုလုပ်ပြီး ထမင်းဝယ်စားလို့ ရမှာ .... လူကျတော့ သူဌေးကျနေတာပဲ .. ပေးတော့ ၅ ကျပ်တန်နှစ်ရွက်”ဆိုပြီး ရှူံ့မဲ့ပြီးပြောတယ် .... ကျွန်တော်ကော .. အန်တီကြီးကော အဲ့ဒီစကားကြားသူအားလုံးပါ အံ့အားတင့်သွားတယ်။ တော်တော်မလွယ်တဲ့ကောင်တွေ .... အန်တီကြီးကလည်း မျက်နှာကြီးနီပြီး .. “ဟဲ့ကောင်လေး .. မယူရင်လည်း ပြန်ပေး .....အဲ့ဒါ မင်းအဘ စပယ်ယာက အမ်းထားတာ ... နှစ်ဆယ်အမ်းရာမှာ တစ်ဆယ်ပဲအမ်းလို့ .. ရှိတဲ့ဟာပေးတာ လူပါးဝလို့ .. ပြန်ပေး”ဆိုပြီးတော့ အော်တယ် .. ကောင်းလေးကလည်း အန်တီကြီးကို လျှာထုတ်ပြပြီး ပြေးပါလေရော .... ဟီး .... အန်တီကြီး ပြောတာကို ကားစပယ်ယာကြားတော့ .. “အစ်မဗျာ .. ကျွန်တော့်ကို အရှက်ခွဲတာလား .. အဲ့ဒီလိုကြီးတော့မပြောပါနဲ့ ... ဟိုကောင်လေး အဘဆိုတော့ ကျွန်တော်ပါ သူတောင်းစားဖြစ်သွားမှာပေါ့ .. ငွေလေးတစ်ဆယ်မအမ်းမိတာ .. သူတောင်းစားဖြစ်ရောဗျာ .. အဲ့ဒီလိုမပြောပါနဲ့ .. ကျွန်တော်က အကြွေမရှိလို့မအမ်းတာပါ ... ရော့ အန်တီ ၁၀၀ တန်ပြန်ယူ ... ညစ်တယ်ဗျာ .. ၁၀ ပြန်ပေး ..”လို့လာပြောတယ် ..... အန်တီကြီးက ခပ်တည်တည်နဲ့ ပိုက်ဆံ ၁၀၀ ကိုပြန်ယူပြီး “တစ်ဆယ်လိုချင်ရင် .. ဟိုကောင်လေးဆီသွားပြန်တောင်း”လို့ပြောပြီးတော့ ကားပေါ်ကဆင်းသွားတယ် ....... ကားပေါ်ကလူတွေ ဘာလုပ်ကြမယ်ထင်လဲ .... ရီကြမှာလား .... မသိချင်ဟန်ဆောင်နေမှာလား ..... ကျွန်တော်ကတော့ ဟန်မဆောင်နိုင်ဘူး .. ဟားဟား ....

0 comments: